Raid 2 Records: અજય દેવગણની ફિલ્મ 19 દિવસમાં Raid 2 કલેક્શન જાણો આ ફિલ્મ 1 મેના રોજ સિનેમાઘરોમાં રિલીજ થઈ હતી
Raid 2 Records: અજય દેવગણ સ્ટારર ફિલ્મ ‘Raid 2’ બોક્સ ઓફિસ પર ધૂમ મચાવી રહી છે. આ ફિલ્મ 1 મેના રોજ સિનેમાઘરોમાં સાઉથની રેટ્રો અને હિટ 3 ની સાથે બોલિવૂડ ફિલ્મ ભૂતની સાથે ટકરાઈ હતી. પરંતુ ‘Raid 2’ આ તમામ ફિલ્મો પર ભારી પડી અને તમામ ફિલ્મોને ધૂળ ચટાડી દીધી છે. અજય દેવગણની ક્રાઈમ થ્રિલર ફિલ્મને દર્શકો તરફથી જબરદસ્ત પ્રતિસાદ મળી રહ્યો છે અને તે ખૂબ કમાણી કરી રહી છે અને બ્લોકબસ્ટર બની ચૂકી છે. ચાલો અહીં જાણીએ કે ‘Raid 2’ એ રિલીઝના 19 દિવસમાં કયા-કયા મોટા 5 રેકોર્ડ પોતાના નામે કર્યા છે.
‘Raid 2’ માં અજય દેવગણ અને રિતેશ દેશમુખ સહિત બાકીની સ્ટાર કાસ્ટે દમદાર એક્ટિંગ કરી છે, બીજી તરફ ફિલ્મનું કન્ટેન્ટ પણ શાનદાર છે, જેના કારણે આ ક્રાઈમ થ્રિલર ફિલ્મ રિલીઝના 19 દિવસ પછી પણ દર્શકોની પ્રિય બની રહી છે અને વીક ડે માં પણ દર્શકોને સિનેમાઘરો તરફ ખેંચવામાં સફળ રહી છે. આ સાથે જ ‘Raid 2’ દરરોજ કરોડોનું કલેક્શન કરી રહી છે અને મેકર્સને પણ માલામાલ કરી રહી છે. એટલું જ નહીં ‘Raid 2’ એ અત્યાર સુધીમાં ઘણા મોટા રેકોર્ડ પણ પોતાના નામે કરી લીધા છે.
Raid 2 એ રિલીઝના ત્રણ દિવસમાં જ પોતાનું 48 કરોડ રૂપિયાનું બજેટ વસૂલ કરી લીધું છે.
Raid 2 વર્ષ 2025ની ‘છાવા’ બાદ બીજી સૌથી વધુ કમાણી કરનારી ફિલ્મ બની ચૂકી છે.
Raid 2એ ફિલ્મ છાવાને છોડીને 2025ની ‘સિકંદર’, ‘સ્કાય ફોર્સ’, ‘જાટ’, ‘કેસરી 2’ સહિતની બધી ફિલ્મોના લાઇફટાઇમ કલેક્શનને પાછળ છોડી દીધું છે.
Raid 2 વર્ષ 2025ની છાવા બાદ બીજી 150 કરોડી ફિલ્મ બનવાનો રેકોર્ડ પોતાના નામે કરી ચૂકી છે.
Raid 2 રિલીઝના 19 દિવસોમાં અજય દેવગણના કરિયરની છઠ્ઠી સૌથી વધુ કમાણી કરનારી ફિલ્મ છે.
Raid 2એ રિલીઝના 19 દિવસમાં ભારતીય બોક્સ ઓફિસ પર 150 કરોડ રૂપિયાનો આંકડો પાર કરી લીધો છે.બીજી તરફ હવે તેનો આગામી ટાર્ગેટ 200 કરોડી બનવાનો છે. ફિલ્મની કમાણી ઘટી રહી હોવા છતાં Raid 2એ હજુ પણ બોક્સ ઓફિસ પર પોતાની મજબૂત પકડ જાળવી રાખી છે. જો ચોથા સપ્તાહના અંતે ફિલ્મનું કલેક્શન ફરી વધે તો શક્ય છે કે તે 200 કરોડ રૂપિયાનો આંકડો પાર કરી શકે છે.
આ પણ ખાસ વાચો : સ્ટેચ્યુ ઓફ યુનિટીનો 360 ડિગ્રી અદભુત નજારો
Raid 2એ 2018 માં રિલીઝ થયેલી ‘રેડ’ની સિક્વલ છે. Raid 2નું નિર્દેશન રાજકુમાર ગુપ્તા દ્વારા કરવામાં આવ્યું છે. ફિલ્મની સ્ટાર કાસ્ટની વાત કરીએ તો અજય દેવગણ અને રિતેશ દેશમુખ ઉપરાંત સૌરભ શુક્લા, વાણી કપૂર, અમિલ સ્યાલ, સુપ્રિયા પાઠક અને ગોવિંદ નામદેવ સહિત ઘણા કલાકારોએ ફિલ્મમાં મહત્વપૂર્ણ ભૂમિકાઓ ભજવી છે.
