પૂર્વ મુખ્યમંત્રી વિજય રૂપાણી: અમદાવાદમાં ઍર ઈન્ડિયાનું AI 171 પ્લેન ક્રેશ થયુ છે. જેમા 200થી વધુ લોકોના મોત થયા છે. ત્યારે આ ભયાનક દુર્ઘટનામાં ગુજરાતે તેના પૂર્વ મુખ્યમંત્રી વિજય રૂપાણીને પણ ગુમાવ્યા છે. લંડન જતી ફ્લાઈટમાં વિજય રૂપાણી સવાર હતા. જેમા તેમનુ પણ નિધન થયુ છે.
ગુજરાતના ભૂતપૂર્વ મુખ્યમંત્રી વિજય રૂપાણીનું 12 જૂન 2025ના રોજ અમદાવાદમાં એક ભયાનક વિમાન દુર્ઘટનામાં અવસાન થયું. એર ઈન્ડિયાની ફ્લાઇટ AI-171 લંડનથી ગેટવિક જઈ રહી હતી. ટેકઓફ થયાની થોડી મિનિટો પછી મેઘાણીનગરમાં આ ફ્લાઇટ ક્રેશ થઈ ગઈ. આ અકસ્માતમાં 241 લોકોના મોત થયા હતા અને તેમાં વિજય રૂપાણી પણ સામેલ હતા. આ દુર્ઘટનામાં એક વિચિત્ર સંયોગ સામે આવ્યો છે. રૂપાણીનો પ્રિય નંબર 1206 હતો, જેને તેઓ પોતાનો લકી નંબર માનતા હતા. આ નંબર જીવનમાં અને મૃત્યુમાં તેમની સાથે રહ્યો. તેમના બધા વાહનો, તેમની વર્ષો જૂની સ્કૂટીમાં પણ 1206 નંબર હતો અને સંયોગથી તેમના મૃત્યુની તારીખ પણ 12 જૂન (12.06) સાબિત થઈ.
વિજય રૂપાણીને 1206 નંબર સાથે ઊંડો લગાવ હતો. વર્ષો પહેલા તેમણે ખરીદેલી તેમની પહેલી કારમાં પણ 1206 નંબર હતો.વિજય રૂપાણીની બધી કાર અને ટુ-વ્હીલર્સની નંબર પ્લેટ પર 1206 નંબર હતો. એટલું જ નહીં, અકસ્માતના દિવસે ફ્લાઇટમાં તેમનો સીટ નંબર 12 હતો અને બોર્ડિંગનો સમય 12:10 વાગ્યાનો હતો. આ સંયોગ સોશિયલ મીડિયા પર પણ ચર્ચાનો વિષય બન્યો.
રૂપાણી તેમની પુત્રીને મળવા લંડન જઈ રહ્યા હતા. તેમના પત્ની અંજલિ પહેલાથી જ લંડનમાં હતા. 68 વર્ષીય રૂપાણી 2016 થી 2021 સુધી ગુજરાતના મુખ્યમંત્રી રહ્યા. તેમણે રાજકોટ પશ્ચિમના ધારાસભ્ય તરીકે પણ સેવા આપી હતી અને સૌરાષ્ટ્રમાં ભાજપ માટે મજબૂત આધાર બનાવ્યો હતો. તેઓ શરૂઆતના દિવસોમાં રાષ્ટ્રીય સ્વયંસેવક સંઘમાં જોડાયા હતા અને કટોકટી દરમિયાન 11 મહિના જેલમાં રહ્યા હતા.
અકસ્માત પછી, મૃતદેહોની ઓળખ માટે ફોરેન્સિક ડેન્ટલ આઇડેન્ટિફિકેશન અને ડીએનએ ટેસ્ટ શરૂ કરવામાં આવ્યા. મૃતદેહોની સ્થિતિ એટલી ખરાબ છે કે દાંત અને નખના નમૂનાઓથી તેમની ઓળખ કરવામાં આવી રહી છે. ફોરેન્સિક ટીમે દાંતના નમૂનાઓ એકત્રિત કર્યા હતા, જે લેબમાં જૂના રેકોર્ડ સાથે મેચ કરવામાં આવશે.આ પ્રક્રિયા એક કે બે દિવસ ચાલુ રહેશે.સિવિલ હોસ્પિટલમાં રક્તદાન માટે અપીલ કરવામાં આવી હતી, કારણ કે ઓ-નેગેટિવ રક્તની અછત છે.
